Библиотека в "Молодёжном"

 Акцыя «Роднае слова –скарб нацыі!»

         У міжнародны дзень роднай мовы  ў нашай бібліятэцы прайшла цеплая і душэўная  акцыя, якая аб’яднала дарослых і дзяцей – аматараў беларускага слова. Увесь дзень бібліятэкары і наведвальнікі размаўлялі толькі на беларускай мове, адчуваючы яе меладзічнасць і выразнасць.

         Праграма акцыі была разнастайнай: удзельнікі разгадвалі загадкі, збіралі прыказкі, знаеміліся з сімволікай беларускага арнаменту і ўспаміналі народныя прымаўкі.

            Аматары літаратуры мелі магчымасць адгадаць вядомых беларускіх пісьменнікаў па іх партрэтах, а таксама пагрузіцца ў свет нацыянальнай кухні, даведаючыся пра традыцыйныя стравы і іх рэцэпты.

         Не абышлося без моўных практыкаванняў: удзельнікі актыўна перакладалі словы з рускай на беларускую мову і наадварот, што дапамагло ўдзельнікам пашырыць свой слоўнікавы запас і ўмацаваць моўныя навыкі.

         Асаблівым момантам стала прысутнасць на акцыі  паэта В.Андрыеўскага, які падарыў бібліятэцы сваю новую кнігу «Колкі снег жыцця», папоўніўшы фонд каштоўным экзэмплярам і натхніўшы ўсіх наведвальнікаў на дальнейшае вывучанне роднай мовы.

         Прыемна было бачыць, як на акцыю прыходзілі цэлымі сем’ямі. Дарослыя і дзеці разам выбіралі кнігі на беларускай мове, складалі пазлы з беларускім матывам і адгадвалі загадкі з лэпбука «Ад прадзедаў спакон вякоў нам засталася спадчына», ствараючы атмасферу сапраўднага сямейнага свята і перадаючы любоў да роднай мовы з пакалення ў пакаленне.

         У знак падзякі і на памяць аб гэтым дні ўсім ўдзельнікам акцыі былі ўручаны кніжныя закладкі, якія, спадзяемся, будуць нагадваць аб важнасці і прыгажосці роднага слова.