Библиотека в "Молодёжном"

 Літаратурна-мастацкая кампазіцыя да 95-годдзя з дня нараджэння Уладзіміра Караткевіча

«Сын Зямлі пад белымі крыламі»

    У філіяле гарадская бібліятэка №7 для вучняў 11 «А» класа СШ №11 прадставілі літаратурна-мастацкую кампазіцыю да 95-годдзя з дня нараджэння Уладзіміра Караткевіча «Сын Зямлі пад белымі крыламі».

    Вучні пры дапамозе відэапрэзентацыі, падрыхтаванай бібліятэкарам,  пазнаёміліся з біяграфіяй пісьменніка-юбіляра. Дзецям прачыталі фрагмент эсэ У. Караткевіча «Зямля пад белымі крыламі», каб яны адчулі любоў пісьменніка і паэта да роднай зямлі. А дакранацца да гісторыі ХYII стагоддзя і адкрыць для сябе новыя грані творчасці Караткевіча школьнікі змаглі пасля прагляду ўрыўкаў з фільма «Дзікая ахота караля Стаха». Вядучыя прыадчынілі заслону таямніцы, расказаўшы пра тое, як наш горад звязаны з гісторыяй, выкладзенай у кнізе Караткевіча.

    Аддзінаццацікласнікі даведалісь, што пісьменнік зрабіў вялікі ўклад у беларускую літаратуру і культуру, праславіўшыся гістарычнымі дэтэктывамі і містычнымі творамі. Дзецям распавялі пра пастаноўкі на сцэне самага манументальнага твора Караткевіча «Каласы пад сярпом тваім», паказалі трэйлер мастацкага фільма «Чёрный замок» (2024г.), зняты па раману «Чорны замак Альшанскі». Вучні успомнілі сэнс слоў, якія выкарыстоўваў у сваіх творах вядомы беларускі пісьменнік,  у гульне «Словы з мінулага».

     Школьнікі агледзелі кніжную выставу «Чалавек носіць сваё неба з сабою» са спадчынай Караткевіча – яго кнігамі з фонду бібліятэцы, запомнілі яго дэвіз пра жыццё - «Трэба жыць, трэба любіць, трэба верыць».

    У заключэнне дзеці паслухалі зварот да беларусаў ад Караткевіча «Што я варты без вас?» з фільма «Тайны Беларуси: Отец белорусского детектива» і атрымалі на памяць юбілейны буклет з цытатамі У. С. Караткевіча.